أجمل قصيدة حـب للي هـويته
طياتها تحمل تناهيد الأشواق
للصاحب اللي كل عمري عطيته
يمه هواجيس الفكر غصب تنساق
علاّ غلاه بــداخل القـلب بيته
متربع في داخلي وسط الأعماق
لوسلّـهمت عـيني معه مانسيته
وتنوض طيفه في سما البال براق
ياكم عجز فــكري عنه ماوفيته
جف القلم وتمزقت كل الأوراق
أخترت أنا أطوي صفحتي ماطويته
تبقى وصوفه بين الأضلاع ميثاق
نبّت الــغرام اللي نبت له رويته
في كل يوم اسقي واقل مابعد ذاق
حتى ظهر حــاليّ الثمر وجتنيته
واشبعت قبل الروح نظرات الأحداق
وإن قالها الله لاخــذ اللي بغيته
لوطالبوا لوصولها خيل وسباق
لي غــاية في حبــها مستميته
تطغى وياصل حدها ضرب الأعناق
الحب عــندي زارني وهتـنيته
ماستبدل الجنه بنيران واحراق
يالوعة المــغرم ويـامن هويته
حبك تملكني سلى نبع الأشواق