تشرخ ضلوعي كل ما هالليل
.... واربت على كتف انتظاري و اواسيه
واقول : للشباك مشتاق له حيل
.... والريح تصرخ : بس ... لاعاد تطريه !!
واتوسل الجدران وازفر من الويل
... واجيب دمعااتي واهي مشاريه
وابرك بوجه الباب وحروفي تسيل
.... ويصد عني يقول : للحين تبغيه ؟!!
مارق لي في غيبتك غير منديل
..... جبته معي من ديرتك لجل اشاكيه
بثيت له حزن انتظاري مواويل
...... كنت انشقه .. واتنفسه .. احسبك فيه
الصدر جذع اشواق وغيابك ازميل
..... وانته !! تخيل شنحفر في خوافيه !!
كم يوم مر وما بقى بخافقي حيل ؟!
..... ذبت انتظار وما ذبحتني سوى ليه ؟!!
عديت فوق اسبوع والحزن اكليل
..... ولو مت !! .. وعدك لي .. لمنهو توفيه ؟!
الأربعاء مايو 13, 2009 7:41 pm
