يـاالله طلبتـك ياعزيـز الجـلالـي
انك تقدينـي علـى مسلـك الخيـر
وتزيل عني الحـزن بـأول وتالـي
وتجعل دروبي كـل ابوهـا بتنويـر
لاضاق صدري جيت في راس عالي
ومديت شوفي ثـم جتنـي التفاكيـر
هم[ن] مخاوينـي وهـم[ن] طرالـي
وهم[ن] اسكر دونـه البـاب تسكيـر
اروم للجـزلـه وكََــب الهـزالـي
ومشي على درب الرجـال المناعيـر
ابـوي وصانـي بحفـظ الجزالـي
الديـن وتقـوي وخـوه مشاكـيـر
الله يجازي الـى سبـا كـل حالـي
من يـوم ماشفتـه توقفـت لأسيـر
امشـي مـع العالـم وكنـى لحالـي
ماغيراصورماضي الوقت تصويـر
لاشفت زولـه انشـرح كـل بالـي
ياليتنـي اعطيتـه العـام تقـريـر
ماقـد عشقـت إلأ طلـوع الجبالـي
ورمي الوعوله فوق ذيـك المحاديـر
وْصوت رمى الميـم قبـل الظلالـي
من عند ابوثامـر تجيـك التباشيـر
وخوة ربوع[ن] كل ابوهـم إجلالـي
لوطالـت الرحلـه تزيـد التقاديـر
ماهم مـن اللـي علومهـم هملالـي
يوميـن والثالـث يجونـك بعاثيـر
وشبـه النـار فـي قفـر خـالـي
ماتشوف به غير الزهـر ونواويـر
وْزعفران وبـن مـع هيـل غالـي
هـي دلـه اللـي مايعـد المخاسيـر
مظبوطت[ن] من فوق جمر[ن] يصالي
فنجال تفنـن بـه خـوي البواطيـر
كلـنْ تقهـوا ثـم جـاب الغـوالـي
سوالف[ن] فيهـا تشـوف التعابيـر
وإلى أهجعـو لنـوم حسيـت حالـي
إنـي اسير[ن]عنـد زيـن الغناديـر
ماغيراهوجـس بـه واعـد اليالـي
اغليـه وسطرلـه اشـوق تسطيـر
العـام صادفتـه مجالـه مجـالـي
والعين جت بالعين والشـوق تبريـر
ارفـق بحالـي ياحسيـن الـدلالـي
ورحم خفـوق[ن] قطعتـه المناشيـر
لونـك تحـس أبضيقتـي وجتوالـي
ترمـي بدبلتهـم وعنـدك تفاسيـر
ودك تعدانـي وفــاق إحتمـالـي
أفديك في روحي وكلـي لـك اسيـر
ماهقوتـي بنسـاك لوقلـت سـالـي
قلبي إحتواك اليـوم ميريـد تغييـر
وإن حلت الفرقا وصـارت إبجالـي
أصبرعليها واعـرف انهـا مقاديـر
الخميس مايو 14, 2009 10:22 pm
