ذكريات الشوق وايام الصبابة
قولي انه .. مات حبك ما دريتي
كم خفوق .. مات حبه ما درى به!
سامح الله .. حبك اللي به.. غزيتي
قلبي اللي صار لك ظل وسحابه
كم سالت الشوق يوم انك جفيتي
هو صحيح ان المشاعر ما تشابه؟!
لك عطيت الحب.. وانتي وش عطيتي
غير كاس للجفا .. مر شرابه
كم سهرت الليل وانتي به غفتيي
ما دريتي عن خفوقي وش لجى به
ليه احبك؟! لو عرفتيها بكيتي
كنت احبك قبل ما اعرف الكتابة؟!
ليه يا من في فضا .. عيني سريتي
ليه وانتي لك معي قدر ومهابه
فدوة لك .. يا حياتي .. ما خذيتي
واتركي لي خافق يشكي مصابه
كذبه بيضاء بديتي وانتهيتي
ويش اسوي والمشاعر ما تشابه؟