لم اجد اجمل من هذه القصيدة في الاعتراف بالحب ,,اترككم لتستمعوا بها ,,,
أحبك
حب ما حبة على وجه البشر إنسان
أحبك كلمةٍ أكبر من أني معك أنطقها
.,.
,.,
أحبك
والحقيقة فوق ما تتصور الأذهان
أحبك يا نظر عيني فداك الروح تملكها
.,.
,.,
أحبك
ما أظن أقدر على بعد الهوى لو كان
أحبك للأسف تجهل معاني الحب أجملها
.,.
,.,
أحبك
لو تحس اللي أحسه داخل الوجدان
وربي تحترق منّة ، أحبك صعب تفهمها
.,.
,.,
أحبك
لا اتّجاهلني ترى حبي مثل بركان
وربي لا تجاهلته ... يجيب العالي أسفلها
.,.
,.,
أحبك
ما أظن ف يوم يطوي كلمتي النسيان
ترى النسيان ما يقدر وأنا اللي فيه أأمنها
.,.
,.,
أحبك
والحنين اللي غدى في داخلي سلطان
خلق لك من كلام الحب كلمه يستحي منها
.,.
,.,
أحبك
كلمه ما تروي عطش طفل غفى ضميان
سكن في داخله شوقٍ ضلوع الصدر كسّرها
.,.
,.,
أحبك
ليه ما تفهم ..!؟ ترى أعنيك أنا يا فلان !
أحبك والله يعلم كيف أحبك ، فيك ألحنها
.,.
,.,
أحبك
كثر ما قالوا ترجّح كفة الميزان
أحبك ودي اسمعها ولو مره تلحنها ..!!
.,.
,.,
أحبك
كلمه ما أبيها تجي منّك فقط إحسان
أبيها أحساس يوصلني قبل عقلك يرتبها
.,.
,.,
أحبك
قولها مره .. طلبتك قولها ولهان
طلبتك لا تخليني أنا محتاج أسمعها
.,.
الجمعة مايو 15, 2009 7:22 pm
