مساااائكم /صباحكم... فل وكادي..
ياشين طبعك بعض الأحيان شينـاه
تخطي وتزعل واعتذر منك وارضيك
القلب مـن حقـه تحنـه وترعـاه
أمانـة حطيتهـا الـيـوم فيـديـك
تراه جاه مـن الصواديـف ماجـاه
تدخل على الله لايخيب الرجا فيـك
أرفق على من لحن اسمـك وغنـاه
علـى لحـن ونـاة قلبـه يغنـيـك
يافقر حالي كـل ماشتقـت وغنـاه
ماتدري اني في الغلا منـك واليـك
قربك مناي وبعدك الصعـب مقـواه
أروح عنك من الزعل يوم واجيـك
حتى هروجك سبـة الجـرح ودواه
ودي تراعيني بهـا قـدم أراعيـك
انده عليك (فلان) وتقول لـي هـاه
وتنده علي (فـلان) واقـول لبيـك
أرجوك ساير خاطري واشتر رضاه
واحقن دمـوع قدلهـا عـام تبكيـك
عجزت لاكتب صافي الشوق واقراه
مغير اعلج البيت علـج المساويـك
جريتلي20ونّة على آآآآآآآآآآآآآآآآآآه
وجريتلـي 20قـافٍ علـى يـيـك
لابـوك ياحـظٍ حرمنـي عطايـاه
من وين ماوجهت خابـت مساعيـك
الجمعة مايو 15, 2009 7:59 pm
