بذمتك يا دمع كم لي وأنـا أبكيـك .,؟!
كم مرة ؟! ٍ أرجوك تستر جروحـي !
كم مرةٍ أقسمـت فالعيـن أخليـك ؟!
تشرب زلال الملح من حرّ بوحـي !
دام الوجع فينـي وضيمـه يغذيـك..
ما أظن سمع الأآآه يجهل شروحي..!
العبرة أنت ..؛وبحة الصوت تشكيـك
وأنت السيول اللي تخطت صروحي..
أكتب قصيدي واحسب إنه يواسيـك..
قصدي أبلّك يوم أحسك وتوحي
آثره خطا أبكيـك وأرجـع أناديـك !
أصيح ويرد الصدى وسط روحي
ما جيت أنا اشكي عند بابك ولا أبغيك
ولا نويت ادفن بحزنـي طموحـي
إلا إن عمري فـي عيونـه يخبيـك
.كان الرجا (يا دمع) تخفيه نوحـي
أخلفت وعدك يا عسى الله يجازيـك..
خليتني وحدي ضحيـة جروحـي !!
الأحد مايو 17, 2009 3:05 am
