ياصاحبي من يوم شفتك فديتك
بالله وش يرضيك وأقول لك جاك
حبيتك أغليتك عشقتك هويتك
ونيت لك حنيت لك لجل لاماك
عرضت نفسي للخطر ثم شريتك
مانرخص الغالين مثلك وشرواك
مملوك لك مفتون بك يوم جيتك
شفتك قمر ضاوي سطع بين الافلاك
ياعمري الفاني عساني نسيتك
من شان أحبك زود لا حل طرياك
جيتك عطيتك خافقي وانت ليتك
سلمتني قلبك حبيبي بيمناك
الظاهر اني ياحبيبي بليتك
أرفق بعاشق ينتظر منك بلواك
المشكله ياصاحبي لا طريتك
يطري علي ياصاحبي يوم فرقاك
صديت ما لديت يومي نصيتك
ذكراك باقي غصب ماغاب ذكراك
يارجم لولا هيبتك ما رقيتك
خلك سند عاشق تعنا بيرقاك
ياغايب أشتقنا لوصلك فديتك
يمكن يطول الهجر لكن منساك
الخميس مايو 21, 2009 6:15 pm